बगदादमा आगलागी हुँदा ४ जनाको मृत्यु

एजेन्सी। इराकी गृह मन्त्रालयको स्रोतले बुधवार पूर्वी बगदादको एक घरमा आगलागी हुँदा चार जनाको मृत्यु भएको बताएको छ । अन्य दुई जना गम्भीर घाइते भएको बताइएको छ । उच्च तापक्रम र अत्यधिक भारका कारण विद्युतीय ट्रान्सफर्मरमा आगलागी भएपछि अल–अमिनमा यो घटना भएको हो ।

इराकको पूर्वी वासित प्रान्तको राजधानी कुटमा रहेको एक हाइपरमार्केटमा ठूलो आगलागी भएको केही दिनपछि यो घटना भएको हो । जसमा कम्तिमा ६१ जनाको ज्यान गएको थियो । इराकले हालै धेरै आगलागीका घटनाहरू देखेको छ ।