५ श्रावण २०८२, सोमबार
काठमाडौँ। संस्कृति, पर्यटन तथा नागरिक उड्डयनमन्त्री बद्रिप्रसाद पाण्डेले समावेशी संविधान बनाएसँगै कौडा र देउडा मूलधारमा आएको बताएका छन् ।
सोमवार काठमाडौंमा स्व. गायक अरुण थापा मगरको २६ औं स्मृति दिवसमा आयोजित कार्यक्रमलाई सम्बोधन गर्दै उनले यस्तो बताएका हुन् । उनले आफू पर्यटनमन्त्री भएपछि संस्कृति नीति बनाउने काममा लागेको र अहिले मन्त्रीपरिषद्मा पुगेको बताए । संस्कृति नीति कार्यान्वयनमा आएसँगै पछि परेका संस्कृतिलाई मूल धारमा ल्याउने, संस्कृतिको रक्षा, संरक्षण गर्ने काममा हामी गम्भीरताका साथ लाग्ने बताए । प्रजातन्त्र, लोकतन्त्र र नयाँ संविधानपछि बन्ने संस्कृति नीतिले पछि परेका संस्कृतिहरुको उत्थान गर्ने बताए । अभौतिक सम्पदा संरक्षण सम्बन्धी ऐन, राष्ट्रिय सभाको समितिमा छलफलका क्रममा रहेको बताएका छन् ।
मन्त्री पाण्डेले भने, ‘समावेशी संविधान बनाएपछि र लोकतन्त्र आएपछि कौडा र देउडा मूलधारमा आएको छ । म यस सरकारको मन्त्री बनेपछि संस्कृति नीति अहिले मन्त्रीपरिषद्मा पुर्यायाएका छौँ । त्यो नीति कार्यान्वयनमा लिएर जानासाथै हाम्रा यस्तै संस्कृतिलाई मूल धारमा ल्याउने, संस्कृतिको रक्षा, संरक्षण गर्ने काममा हामी गम्भीरताका साथ लाग्छौँ । त्यसका लागि एउटा वातावरण नयाँ नीतिले बनाउनेछ । प्रजातन्त्र, लोकतन्त्र, यो संविधानपछि बन्ने संस्कृति नीतिले हामीलाई त्यतापट्टि अभिमुख गर्दछ । यतिखेर राष्ट्रिय सभामा अभौतिक सम्पदा संरक्षण सम्बन्धी ऐन, राष्ट्रिय सभाको समितिमा छलफलका क्रममा छ ।’
मन्त्री पाण्डेले भौतिक विषयका साथै अभौतिक विषयहरु पनि संवद्र्धन र विकसित गर्दै लैजानुपर्ने आवश्यकता रहेको बताए ।
प्रकाशित मिति: ५ श्रावण २०८२, सोमबार
