४ श्रावण २०८२, आईतवार
काठमाडौँ। कानून, न्याय तथा संसदीय मामिला मन्त्रालयका सचिव पाराश्वर ढुंगानाले चालु आर्थिक वर्षमा १ सय २० वटा कानून निर्माण गर्ने सरकारको योजना रहेको बताएका छन् ।
आईतवार कानून, न्याय तथा मानव अधिकार समितिको बैठकमा बोल्दै सचिव ढुंगानाले यस्तो बताएका हुन् । उनले संख्या महत्वाकाङ्क्षी भएपनि कार्यान्वयनका लागि स्पष्ट कार्ययोजना र कार्यतालिका सहित सरकार अघि बढ्ने बताए । उनले मन्त्रालयगत रुपमा निर्माण गर्नुपर्ने कानून, त्यसको कार्ययोजना र कार्यतालिकासहित संसदमा पेश गरिसकेको बताए ।
उनले भने, ‘हामीले यो आर्थिक वर्षमा १२० वटा कानूनहरु निर्माण गर्छौं भनेर भनेका छौं । यो अलि महत्वाकांक्षी पनि छ । केही संशोधन ऐन पनि छ त्यसमा । १२० वटा ऐनहरु बनाउँछौं भनेर हामीले प्रतिवद्धता गरेर कार्ययोजना र कार्यतालिकासहित हामीले संसदमा पेश गरिसकेका छौं । र संसदले पनि त्यही अनुसार कार्ययोजना बनाएर अगाडि बढ्छ भन्ने लाग्छ । मानव अधिकारसम्बन्धी केही कानूनहरु यी कानूनहरुमा समेटिने पनि विश्वास छ ।
उनले मानव अधिकार कार्यान्वयनका लागि आवश्यक पर्ने कानून निर्माणमा समेत मन्त्रालयले तादरुकताका साथ काम गरिरहेको बताए ।
प्रकाशित मिति: ४ श्रावण २०८२, आईतवार
