चलचित्र क्षेत्रलाई उद्योगको रुपमा विकास गरौँः मन्त्री गुरुङ

काठमाडौँ। सञ्चार तथा सूचना प्रविधिमन्त्री पृथ्वीसुब्बा गुरुङले चलचित्र क्षेत्रलाई उद्योगको रुपमा विकास गर्नुपर्ने बताएका छन् ।

सोमवार शितल निवासमा आयोजित एक कार्यक्रमलाई सम्बोधन गर्दै उनले यस्तो बताएका हुन् । उनले अब आफूहरुलाई फुर्सद लिने छुट नरहेको भन्दै काम थाल्नुपर्ने समय आएको बताए । उनले नेपाल प्राकृतिक सौन्दर्यले भरिपूर्ण देश भएको उल्लेख गर्दै नेपाल चलचित्र क्षेत्रका लागि एउटा खुला संग्रहालय बन्ने बताए । नेपालको चलचित्र क्षेत्रलाई समृद्धिमा जोडेर अघि बढ्न जरुरी रहेको बताए ।

उनले भने, ‘हामीलाई फुर्सद लिने छुट छैन । हामीले काम थाल्नुपर्छ अहिले नै । चलचित्र क्षेत्रलाई नेचुरल्ली ब्युटि नेपाल हो । कल्चरल्ली यस्तो डाइभर्सिटी भएको दुनियाँमा छैन । नेपाल एउटा लिभिङ म्युजियम हो । एउटा गाउँदेखि अर्को गाउँसम्म जाँदा छुट्टै संस्कार छ, छुट्टै भाषा छ । कल्चरल्ली नेपाललाई समृद्धिमा जोड्न सकेका छैनौँ । त्यसकारण यो हाम्रो कल्चरलाई पनि प्रस्परेटीसँग जोडौँ । चलचित्र क्षेत्रलाई एउटा इण्डस्ट्रीकै रुपमा डेभलप गरौँ न । एउटा इण्डिया बलिउडसँग नसकौँला तर अरु थुप्रै उवहरुलाई हामी साउथ एशियामा जित्नसक्छौँ । त्यो जित्ने हैसियत हामीले कायम गर्नुपर्छ ।’

मन्त्री गुरुङले नेपाललाई आइटी क्षेत्रको हब बनाउन सकिने बताए ।