२१ असार २०८२, शनिबार
काठमाडौँ। प्रधानमन्त्री केपी शर्मा ओलीले उज्वेकिस्तानविरुद्धको खेल नेपालले जित्नैपर्ने बताएका छन् ।
शनिवार ‘एएफसी महिला एशियन कप छनोट’ मा उज्वेकिस्तानसँग प्रतिष्पर्धा गर्नुअघि भर्चुअल माध्यमबाट कुराकानी गर्दै प्रधानमन्त्री ओलीले जितको शुभकामना दिएका हुन् । उनले आजको खेल नेपालले जित्नैपर्ने र नेपाली महिला खेलाडीहरुको मनोबल र मानसिकता पनि जित्नै किसिमको नै रहेको बताए । महिला फुटबलरहरुले नेपालको खेल क्षेत्रको गौरव बढाएको र नेपालको प्रतिष्ठा र परिचय वृद्धि गरेको बताएका छन् ।
‘प्रधानमन्त्री ओलीले भने, यो खेल नेपालले जित्नैपर्छ । तपाईंहरुले मनोबल र मानसिकता जित्नै नै देखेको छु । म खुशी व्यक्त गर्न चाहन्छु । खेलको क्षेत्रबाट तपाईंहरुले ४० वर्षको इतिहासलाई एउटा उचाईमा पु¥याएर नेपालको खेल क्षेत्रको गौरव थप्नुभएको छ । नेपालको प्रतिष्ठा र परिचय वृद्धि गर्नुभएको छ । फुटबल खेलतर्फ नेपालको र नेपालको मात्र नभइ बाहिरसम्मको ध्यान खिच्नुभएको छ । हामी तपाईंहरुको खेलसँगै हुनेछौँ । तपाईंहरुको मनोबल बढीरहेका हुनेछौँ ।’
प्रधानमन्त्री ओलीले नेपाल सरकार खेलकुदको क्षेत्रलाई अघि बढाउने पक्षमा रहेको बताए । आजको खेलले नेपाललाई नयाँ सिँढीमा उठाउने बताएका छन् ।
प्रकाशित मिति: २१ असार २०८२, शनिबार
