मध्य सिरियामा विस्फोटमा ४ जनाको मृत्यु

एजेन्सी। सिरियाको मध्य शहर हामाको पूर्वमा रहेको जब्रीन गाउँमा विस्फोट हुँदा चार जना सर्वसाधारणको मृत्यु भएको छ । साथै नौ जना घाइते भएको सिरियाली स्वास्थ्य अधिकारीहरूले बताएका छन् ।

स्थानीय आपतकालीन अधिकारीहरूले भग्नावशेषमुनि फसेको विश्वास गरिएका जीवित व्यक्तिहरूको खोजीमा सिरियाली नागरिक रक्षा टोलीहरूले उद्धार कार्य जारी राखेको बताएका छन् । विस्फोटको कारण स्पष्ट छैन । कुनैपनि समूहले जिम्मेवारी लिएको छैन । विस्फोटको कारण पत्ता लगाउन अनुसन्धान भइरहेको छ।