२४ चैत्र २०७९, शुक्रबार
२४ चैत, काठमाडाैँ । एसईई दिएका विद्यार्थीहरूलाई नेपाल टेलिकमले निः शुल्क सिमकार्ड उपलब्ध गराउने भएको छ । एसईई अफर-२०७९ अन्तर्गत टेलिकमले निः शुल्क सिमकार्ड उपलब्ध गराउने भएको हो ।
विद्यार्थीहरू निः शुल्क पाएको सिममा थप सुविधा समेत पाउनेछन् ।
टेलिकमले दिएको जानकारी अनुसार सिमकार्ड लिएर एक्टिभेट गर्ने बित्तिकै विद्यार्थीहरूले १० रूपैयाँ बोनस, ६० एमबी डेटा, ४० मिनेट भ्वाइस प्याक र ३० वटा एसएमएस सुविधा निः शुल्क पाउनेछन् ।
त्यसैगरी, प्रतिदिन १०० एमबिका दरले ३० दिनसम्म ३००० हजार एमबि डेटा, प्रतिदिन २० मिनेटका दरले ६०० मिनेट भ्वाइस प्याक र प्रतिदिन १० का दरले ३०० वटा एमसएस एक महिनासम्म पाउनेछन् ।
त्यस्तै, रिचार्ज बोनस अन्तर्गत ५०० एमबी डेटा, ५० मिनेट भ्वाइस प्याक र ५० वटा एसएमएस पाउनेछन् । तर, एक पटकमा ५० रूपैयाँ भन्दा बढी रिचार्ज गर्नु पर्ने जनाइएको छ ।
विद्यार्थीहरूले एसईई प्रवेश पत्रको प्रतिलिपी वा कक्षा १० को ग्रेड सीट, १ प्रति फोटो, आफ्नो परिचय पत्र वा अभिभावकको परिचयपत्र लिइ नजिकको टेलिकम कार्यालयमा गएर निः शुल्क सिम लिन सक्नेछन् ।
यो योजना २०२९ चैत्र २४ गतेदेखि ९० दिनसम्म मात्रै लागु हुने टेलिकमले प्रष्ट पारेको छ ।
प्रकाशित मिति: २४ चैत्र २०७९, शुक्रबार
