१४ असार २०८२, शनिबार
काठमाडौँ। प्रधानमन्त्री एवं नेकपा एमाले अध्यक्ष केपी शर्मा ओलीले पार्टीको मिसन ०८४ मा कसैले बाधा पुर्याउन खोजे त्यसको हिसाव किताव हुने बताएका छन् ।
शनिवार जननेता मदनकुमार भण्डारीको ७४ औं जन्मजयन्तीका अवसरमा राष्ट्रिय युवा संघद्वारा आयोजित कार्यक्रममा बोल्दै उनले यस्तो बताएका हुन् । उनले एमालेले अर्जुनदृष्टिका साथ मिसन ०८४ लाई हेरिरहेको बताए । मिसन ०८४ मा बाधा कसैले पुर्याउन नसक्ने उनको भनाइ छ । पार्टीलाई एकतावद्ध, अनुशासित, वैचारिक हिसावले स्पष्ट, संगठानिक हिसावले एकतावद्ध, अनुशासित बनाएरु लिएर जाने कुरामा पार्टी नचुक्ने स्पष्ट पारे । महाधिवेशन आउनु भन्दा अगाडिदेखि कार्यकर्तालाई महाधिवेशन नलागे पनि केही स्वार्थ तत्वलाई लागिरहेको बताएका छन् । यस्ता खालका प्रवृत्तिहरुलाई कसैले पनि प्रोत्साहन नगर्न निर्देशन दिए ।
प्रधानमन्त्री ओलीले भने, ‘पार्टीलाई एकतावद्ध, अनुशासित, वैचारिक हिसावले स्पष्ट, संगठानिक हिसावले एकतावद्ध, अनुशासित बनाएरु लिएर जाने कुरामा पार्टी चुक्ने छैन । अुनशासनहिन ढंगले कोही पनि नेता, कार्यकर्ता एमालेका चल्ने छैनन् भन्ने मैले विश्वास लिएको छु । तर महाधिवेशन आउनु भन्दा अगाडिदेखि कार्यकर्तालाई नलागे पनि केही स्वार्थ तत्वलाई लाग्न सक्छ । महाधिवेशनको रडाको मच्चाउनसक्छन् । घोषणा केही हुन भन्दा अगाडि उनीहरुले आफ्ना आफ्ना घोषणा गर्नसक्छन् । यस्ता खालका प्रवृत्तिहरुलाई हामी कसैले पनि प्रोत्साहन गर्दैनौँ, गर्न हुँदैन । हामीले अनुशासनका साथ पार्टीलाई एकतावद्ध ढंगले अघि बढाउनुपर्छ । मिसन ०८४ हाम्रो अगाडि छ । द्रोणाचार्यले धनुर्विद्या सिकाउँदा चराको आँखो मात्रै देखे जस्तै हामी मिसन ०८४ देखिरहेका छौँ । मिसन ०८४ मा बाधा कसैले पुर्याउनसक्दैन, पुर्याउन खोजे त्यसको हिसाव किताव गरिनेछ । ’
प्रधानमन्त्री ओलीले अनुशासनका साथ पार्टीलाई एकतावद्ध ढंगबाट अघि बढाउन आग्रह गरेका छन ।
प्रकाशित मिति: १४ असार २०८२, शनिबार
