१४ असार २०८२, शनिबार
काठमाडौँ। नेपाली काँग्रेसका सांसद रामहरि खतिवडाले सुमिरे टुर एण्ड ट्राभल्सले विगत १० वर्षदेखि जापानमा भिजिट भिसाका नाममा हजारौँ मानिसबाट अर्बौैं रुपैयाँ लिएर बद्मासी गरिरहेको भन्दै निष्पक्ष छानविनको माग गरेका छन् ।
प्रतिनिधि सभाको बैठकमा बोल्दै उनले यस्तो माग गरेका हुन् । उनले राष्ट्रिय स्वतन्त्र पार्टीप्रति लक्षित गर्दै उहाँले विगत १० वर्षदेखि जापानमा भिजिट भिसाका नाममा हजारौँ मान्छे पठाएर अर्बौं पैसा लिएर संसदमा प्रतिनिधित्व गर्ने र संसद किनेर पार्टीबाट प्रतिनिधित्व गरेर भिजिट भिसामा बद्मासी गर्ने काम भएको बताए । केही मानिसहरु यदाकदा संसदमा आएर उफ्रिने काम भएको पनि बताएका छन् । यसमा निष्पक्ष छानविन गरी कारबाहीको दायरा अघि बढाउन माग गरे ।
उनले भने, ‘आफ्ना कुरा राख्ने, अरु माननीय सदस्यहरुले कुरा राख्न थाल्दा नारा लगाउने प्रक्रिया संसदमा जारी छ, यसलाई अन्त्य गर्न अनुरोध गर्न चाहन्छु । सुमिरे टुर एण्ड ट्राभल्स भन्ने कसको ट्राभल्स हो । विगत १० वर्षदेखि जापानमा भिजिट भिसाका नाममा हजारौँ मान्छे पठाएर अर्बौं पैसा लिएर संसदमा प्रतिनिधित्व गर्ने र संसद किनेर पार्टीबाट प्रतिनिधित्व गरेर भिजिट भिसामा बद्मासी गर्ने काम भएको छ र तिनै मान्छेहरु यदाकदा संसदमा आएर उफ्रिने काम भएको छ, यसमा निष्पक्ष छानविन भएर कारबाहीको दायरा अघि बढोस् ।’
सांसद खतिवडाले आफ्ना कुरा राख्ने, अरु माननीय सदस्यहरुले कुरा राख्न थाल्दा नारा लगाउने प्रक्रिया संसदमा जारी रहेको भन्दै यसको अन्त्य गर्न आग्रह गरे ।
प्रकाशित मिति: १४ असार २०८२, शनिबार
