२३ चैत्र २०७९, बिहीबार
२३ चैत्र, इटहरी । नेपालका अग्रणी बैंकहरूमध्ये एक एनआईसी बैंकले ऋणीहरूको घरमा सुरूक्षा गार्ड राख्न थालेको छ । ऋण लिएर समयमा ब्यान नतिर्नेहरूको घरमा बैंकले पोशाक सहितका सुरक्षा गार्डहरू पठाएको हो ।
बैंकले गार्ड पठाएका घरहरू लिलामीको प्रक्रियामा गइसकेको बुझिएको छ ।
पछिल्लो समय एनआईसी बैंकले इटहरीका विक्रम तिम्सिनाको घरको गेटमा सुरक्षा गार्ड पठाएको छ । उनले लिएको ऋणको साँवा र ब्याज नतिरेको भन्दै बैंकले घर जग्गाको लिलामीका लागि सुचना जारी गरेको छ ।
घरमालिक विक्रमले यसबारे जानकारी दिँदै सामाजिक सञ्जालमा लेखेका छन्, ‘मेरो घर अगाडि उभिएको ड्युटी जवान नेपाल प्रहरी नभएर एनआईसी एशिया बैंकले सेक्युरिटी गार्ड रहेको जानकारी गराउँछु ।’
उनले बैंकको यस कदमप्रति कुनै गुनासो नरहेको पनि प्रष्ट पारेका छन् । आफुले समयमा नै किस्ता बुझाउन नसक्दा बैंकले आफ्नो काम गरेको रूपमा लिएका छन् ।
‘समयमा किस्ता बुझाउन नसक्दा बैंकले आफ्नो काम गरेको हो, यसमा मेरो गुनासो छैन, गार्डले राम्रो हेरदेख गरिदिएको छ ।’ उनले लेखेका छन् ।
प्रकाशित मिति: २३ चैत्र २०७९, बिहीबार
