साैराहामा अज्ञात समूहले छिनाए हात्तीको सुँड

२२ चैत्र, चितवन । चितवनको साैराहामा एक हात्तीको सुँड काटिएको छ । अज्ञात समूहले एक निजी रूपमा पालिएको हात्तीको सुँड छिनाएको हो ।

हात्ती सहकारी संस्था लिमिटेडका अध्यक्ष ऋषिराम तिवारीका अनुसार गएराती ११ बजे दिपक खतिवडाको चनचलकली हात्तीको सुँड छिनाइदिएका हुन् ।

माउतेहरू सुतेको समयमा आएर हात्तीलाई आक्रमण गरेको  दाबी गरिएको छ । तिवारीका अनुसार सुँडको एक किलो जति मासु छिनाइएको छ ।

हात्तीको अहिले प्राथमिक उपचार गरिएको बताइएको छ ।