३ जेष्ठ २०८२, शनिबार
काठमाडौँ। प्रधानमन्त्री एवं नेकपा एमाले अध्यक्ष केपी शर्मा ओलीले एमाले बिरुद्ध आक्रमण जारी रहेको बताएका छन् ।
शनिवार पार्टी केन्द्रिय कार्यालय च्यासलमा आयोजित पार्टी प्रवेश कार्यक्रमलाई सम्बोधन गर्दै उनले एमाले बिरुद्ध अहिले दुनियाँमा विभिन्न प्रकारका कुप्रचारहरु भइरहेको बताएका छन् । एमाले बिरुद्ध हमला भइरहेको समयमा पढेलेखेका, टेक्निकल एजुकेसन, जीवनसँग सम्बन्धित शिक्षा लिएका युवाहरु एमालेमा प्रवेश गर्नु नेपाल बनाउने भिजिनरी संकल्प भएको बताएका छन् । उनले एमालेले युवालाई सदुपयोग गर्ने पनि बताउदै सही बाटोमा अरुलाई ल्याउँछु तर गलत बाटोमा जान्न भन्ने दृढ संकल्प लिन जरुरी रहेको बताएका छन् ।
प्रधानमन्त्री ओलीले भने, ‘दुनियाँमा विभिन्न प्रकारका कुप्रचार र कुहल्लाहरु चलाइरहेको बेलामा । एमाले बिरुद्ध यत्रा हमलाहरु भइरहेका बेला पढेलेखेका, टेक्निकल एजुकेसन, जीवनसँग सम्बन्धित शिक्षा लिएका युवा साथीहरु यसरी नेकपा एमालेमा प्रवेश गर्दै हुनुहुन्छ । यो तपाईंहरुको भिजिनरी संकल्प हो । नेपाल बनाउने भिजिनरी संकल्प हो ।’
प्रधानमन्त्री ओलीले नेकपा एमाले जनताका हक अधिकार र देशका लागि लड्ने पार्टी भएको बताउदै उत्ताउलो नभइ जिम्मेवार पार्टीको रुपमा एमालेले काम गरिरहेको जिकिर गरेका छन् ।
प्रकाशित मिति: ३ जेष्ठ २०८२, शनिबार
