२१ चैत्र २०७९, मंगलवार
२१ चैत्र, चितवन । कांग्रेसले पुनः निर्वाचनको माग राख्दा रामपुर कृषि क्याम्पसमा पटकपटक नेविसंघ कार्यकर्तामाथि धरपकड गरिएको भन्दै कांग्रेसले आपत्ति जनाएको छ । कांग्रेस मुख्य सचिव कृष्णप्रसाद पौडेलले दोस्रोपटक विज्ञप्ति मार्फत घटनाको यथार्थ छानबिन गरी पुनः निर्वाचन गराउन माग गरेका हुन् ।
रामपुर कृषि क्याम्पस चितवनमा क्याम्पस प्रमुख र निर्वाचन समितिका संयोजकले विद्यार्थी सगठनसँग समन्वय नगरी पक्षपोषण हुनेगरी १७ चैत्रमा एकलौटी तवरले मतदान गराएको नेविसंघका आरोप छ । १७ चैत्रमा विरोधका क्रममा प्रहरीको लाठीचार्जबाट नेविसंघका तर्फबाट स्ववियु सभापतिका उम्मेदवार आशिष जैसी देवकोटा र निवर्तमान ईकाई अध्यक्ष सुरज यादव गम्भीर घाइते भएका थिए ।
उनीहरूलाई नियत्रणमा लिने क्रममा प्रहरीले हतगढी लगाएएको थियो । मंगलबार क्याम्पस प्रमुखलाई ध्यानाकर्षण पत्र बुझाएका नेविसंघ क्याम्पस कार्यवाहक सभापति एवं स्ववियु सचिव पदका उम्मेदवार विवेक अर्यालमाथि क्याम्पस हाताभित्रै आक्रमण हुँदा गम्भिर घाईते भएकोे देवकोटाले जानकारी दिए । घाइते तीनै जनाको चितवन मेडिकल कलेजमा उपचार भइरहेको छ ।
प्रकाशित मिति: २१ चैत्र २०७९, मंगलवार
