२१ चैत्र २०८१, बिहीबार
काठमाडौं। काठमाडौं उपत्यकामा केही दिन यता अत्याधिक मात्रामा वायु प्रदुषण बढेको छ ।
काठमाडौं उपत्यकामा प्रदुषित हावाका कारण आकाश धुम्म छ । केही दिन यता काठमाडौं शहर विश्वकै प्रदुषित शहर बनेको छ । प्रदुषणका कारण आँखा पोल्ने, टाउको दुख्ने जस्ता समस्याहरु बढी देखिएका छन् ।
आज बिहान पनि काठमाडौंको प्रदुषण खतरनाकको तह भन्दा माथि छ । प्रदुषण बढेसँगै दीर्घरोगी, गर्भवती महिला, बालबालिकाहरुमा बढी असर पर्ने भन्दै चिकित्सकहरुले घरभित्रै बस्न आग्रह गरेका छन् ।
चिकित्सकहरुले आवश्यक काम बाहेक घर बाहिर ननिस्कन पनि आग्रह गरेका छन् ।
प्रकाशित मिति: २१ चैत्र २०८१, बिहीबार
