जब प्रधानमन्त्री संसदबाट आफ्नो कुर्सी उठाएर बाहिरए…

क्यानडा । क्यानडाका प्रधानमन्त्री जस्टिन ट्रुडोले लिबरल पार्टीको अधिवेशनमा सोमबार बिदाई भाषण दिएपछि आफ्नो कुर्सी उठाएर संसदबाट बाहिर निस्किए, जो अहिले सामाजिक सञ्जालमा भाइरल भइरहेको छ। तस्बिरमा उनी कुर्सी बोकेर बाहिर निस्किँदै गर्दा क्यामेरातिर आफ्नो जिब्रो निकालेर देखाइरहेका देखिन्छन्।

उनको यो संकेत के हो भन्ने स्पष्ट नभए पनि, क्यानडाको संसदीय परम्परा अनुसार सांसदहरूलाई पद छोड्दा आफ्नो कुर्सी पनि साथमा लैजान अनुमति छ। यो रमाइलो क्षणले राजनीतिलाई पनि अलिकति हल्का बनाउन सक्ने संकेत गर्छ। आखिर, राजनीति गम्भीर मात्र होइन, कहिलेकाहीँ कुर्सीसँगै मुस्कान पनि लैजान पाइने ठाउँ रहेछ!