पैसा नभएको चेक दिएर सिरानी हालेर मृत्युवरण गर्न बाध्य बनाउने ऋषि धमला !

• माधव तिवारी

प्राइमटाइम्स टेलिभिजनले स्वर्गीय पत्रकार श्यामसुन्दर पुडासैनीको पारिश्रमिक बापतको करिब २२ लाख रूपैयाँ भुक्तानी दिन बाँकी रहेछ । दैनिकी १५ घण्टासम्म काम गरेको पारिश्रमिक मृत्यु भैसक्दा पनि नपाउनु दुःखको कुरा हो । टेलिभिजनका लेखा अधिकृतसँग भएको श्यामसुन्दरको संवादमा दुई पक्षको बीचमा २२ लाख मध्ये १७ लाख भुक्तानी दिने कुरा भएको रहेछ । १७ लाख मध्ये टेलभिजनले विभन्न समयमा १० लाख रुपैयाँ चेक पनि दिएको रहेछ तर पैसा नभएको चेक सिरानी हालेर सुत्दासुत्दै बिरामी हुँदासम्म राम्रोसँग उपचार नभएर उहाँको निधन भैसकेको छ ।

टेलभिजनका सञ्चालक ऋषि धमलाले स्वर्गीय श्यामका दाजुलाई पटक पटक पैसा चाँडै दिन्छु भन्दै भोलि र पर्सीको आश्वासन पनि दिनुभएको रहेछ । तर नतिजा अहिलेसम्म शून्य नै रहेछ । म पनि स्वर्गीय श्यामसुन्दरको गाउँले दाजु भएका नाताले यसै सञ्जाल मार्फत नेपाल पत्रकार महासंघ र प्रेस रजिष्टाचारको ध्यानाकर्षण गराउन चाहन्छु । साथै प्रेस चौतारी नेपाल एशोसियट प्रदेशले पनि यस विषयमा गम्भीर चासो लिएर नतिजाका लागि काम गरोस् ।