९ फाल्गुन २०८१, शुक्रबार
काठमाडौँ। नेकपा (माओवादी केन्द्र) का उपमहासचिव जनार्दन शर्माले बोलेवापत लोकतन्त्रमा कसैलाई पनि जेल हाल्न नहुने बताएका छन् । हिजो (बिहीबार) प्राइम टाइम्स टेलिभिजनको जनता जान्न चाहन्छन् कार्यक्रममा पत्रकार ऋषि धमलासँग संवाद गर्दै उनले पूर्वराजा ज्ञानेन्द्रलाई बोलेकै आधारमा लोकतन्त्र मान्नेहरुले जेल हाल्न नहुने बताए । नेपाल समाजवादी पार्टी (नयाँ शक्ति) का अध्यक्ष (पूर्व माओवादी उपाध्यक्ष) डा.बाबुराम भट्टराईले पूर्वराजालाई जेल हाल्नुपर्ने अभिव्यक्ति दिइरहेको अवस्थामा शर्माले आफ्नो धारणा सार्वजनिक गरेका हुन् ।
नेता शर्माले राजा फाल्नेहरु आफैं राजा बन्ने गल्ती भने गर्न नहुने बताए । ‘हिजो राजाको बारेमा हामीले बोल्यो भने हामीलाई लगेर जेलमा हालिन्थ्यो । हामी लोकतन्त्र मान्ने भएको हुनाले पूर्वराजा पनि बोल्न पाइन्छ’ उनले भने, ‘बोलेवापत जेल हाल्न हुँदैन । बोल्ने भन्दा अरु केही हो भने त्यो त भोलि थाहा होला । बोल्ने त अधिकार नै दिएका छ त संविधानले ।’
प्रकाशित मिति: ९ फाल्गुन २०८१, शुक्रबार
