८ फाल्गुन २०८१, बिहीबार
एजेन्सी। पाकिस्तानको दक्षिणपश्चिमी बलुचिस्तान प्रान्तमा अज्ञात बन्दुकधारीहरूले कम्तिमा सात यात्रुको हत्या गरेको अधिकारीहरूले पुष्टि गरेका छन् ।
प्रान्तको बरखान जिल्लाको राजमार्गमा आक्रमण भएको थियो । जहाँ लगभग ११ जना सशस्त्र आक्रमणकारीहरूले यात्रु बस रोकेका थिए । यात्रुहरू प्रान्तीय राजधानी क्वेटाबाट पूर्वी पञ्जाव प्रान्तको फैसलाबाद जिल्ला जाँदै थिए । सुरक्षा बलहरू आइपुग्नु अघि आक्रमणकारीहरू घटनास्थलबाट भागेका थिए । बरखान पञ्जाव र बलुचिस्तान बीचको सीमावर्ती जिल्ला हो । जसले गर्दा यो दुई प्रान्तहरू बीचको यात्रुहरूको लागि प्रमुख ट्रान्जिट मार्ग बनेको छ ।
घटनापछि कानून प्रवर्तन एजेन्सीहरूले अपराधीहरूलाई पत्ता लगाउन क्षेत्रमा खोजी अभियान शुरु गरेको छ । अहिलेसम्म कुनैपनि समूहले आक्रमणको जिम्मेवारी लिएको छैन ।
प्रकाशित मिति: ८ फाल्गुन २०८१, बिहीबार
