एमाले उपाध्यक्ष बादल भन्छन-‘जनयुद्ध भनेको युद्ध हो र युद्ध भनेको हिंसा हो !’

अछाम । एमाले उपाध्यक्ष रामबहादुर थापा बादलले युद्धका क्रममा हिंसा हुनु स्वाभाभिक रहेको टिप्पणी गरेका छन् । अछाममा बिहीबार आयोजित पत्रकार सम्मेलनमा पूर्वमाओवादी नेता बादलले भने, ‘जनयुद्ध भनेको युद्ध हो र युद्ध भनेको हिंसा हो । हिंसामा मर्ने र मार्ने हुन्छ । त्यो कुरालाई माओवादीले पनि मान्छ ।’

बादलले हिंसा भनेको वर्गसंघर्ष भएको प्रस्टीकरण दिए । ‘यसलाई राजनीतिक आन्दोलनको संघर्षको उच्चतम रूप मान्छ मार्क्सवादले ।’उनले नेकपा गठन गर्दा नेपालमा चलेको १० वर्षको सशस्त्र संघर्षले लोकतान्त्रिक क्रान्तिमा महत्त्वपूर्ण भूमिका खेलेको दस्तावेजमा उल्लेख गरिएको स्मरण गराए । एमालेले पनि जनयुद्धलाई निषेध नगरेको बादलले बताए ।