१७ माघ २०८१, बिहीबार
सुमना श्रेष्ठ । आज आशिकाजीसङ्ग भेट भयो। आशिकाजीको गिरफ्तारीपछि १५ दिन भयो, र अहिले विभिन्न जिल्लामा हिरासत सयर गराउने कुरा चलिरहेको छ। उहाँको तरिका अराजक छ, त्यसमा असहमति हुँदा पनि त्यसमा आम मानिसको आक्रोश देखिन्छ। राज्यले अभिभाकत्व लिनुपर्ने ठाउँमा – अस्ति चितवनमा युवकलाई निर्घात कुट्नु र अहिले आशिकाजीलाई मानसिक यातना दिनुमा समानता छ ।
यो त सरासर “हाम्रो विरोध गर्छस्! पख देखाइदिन्छु” भनेको होइन? यो भन्दा गम्भीर घटना शिक्षालयमा तालबन्दी/तोडफोड गर्ने दल संरक्षितहरूलाई केही नगर्ने, प्राध्यापक कुट्नेलाई विदेश जान दिने, दिनमा फरार रातमा प्रहरीकै कार्यक्रममा सरिक भएको पनि देखेकै हो हामीले । गृहमन्त्रीज्यू यसमा तपाईँको मौन समर्थन प्रष्ट छ, नत्र प्रहरीले यत्रो ज्यादति गर्ने थिएन ।आशिकाजीलाई रिहा गरियोस्।
–
प्रकाशित मिति: १७ माघ २०८१, बिहीबार
