२ माघ २०८१, बुधबार
काठमाडौँ। अस्ट्रेलियाली सरकारले अटिजम भएका व्यक्तिहरूको जीवन सुधार गर्न पहिलो राष्ट्रिय रणनीति शुरु गरेको छ ।
सामाजिक सेवामन्त्री अमान्डा रिशवर्थले मंगलवार पहिलो राष्ट्रिय अटिजम रणनीतिको अनावरण गरेका छन् । जसबाट सबै अटिजम भएका अष्ट्रेलियालीहरूका लागि समावेशीकरण, समर्थन र जीवन परिणामहरू सुधार गर्ने प्रतिवद्धता जनाइएको छ । ४२.३ मिलियन अष्स्ट्रेलियाली डलर (२६.१ मिलियन अमेरिकी डलर) योजनामा चार प्रमुख सुधार क्षेत्रहरूमा २२ प्रतिवद्धताहरू समावेश छन् । कोषमध्ये चार वर्षमा १९.९ मिलियन अस्ट्रेलियाली डलर एक सहकर्मी समर्थन कार्यक्रममा जानेछ ।
जसले अटिजम भएका व्यक्तिहरूलाई जीवन–अनुभव ज्ञान, सहानुभुति र सांस्कृतिक रूपमा अनुकुलित सल्लाह प्रदान गर्नेछ । अर्को १२.२ मिलियन अस्ट्रेलियाली डलरले एक नयाँ निकायलाई कोष दिनेछ । जसले अटिजम–सम्बन्धित अनुसन्धानलाई प्रमाण–आधारित उपकरण र सेवा प्रदायकहरू र नीति निर्माताहरूका लागि मार्गदर्शनमा अनुवाद गर्नेछ । सरकारले अस्ट्रेलियामा अटिजमको वास्तविक व्यापकता पत्ता लगाउन अध्ययनको लागि २.८ मिलियन अस्ट्रेलियाली डलर पनि खर्च गर्नेछ ।
सामाजिक सेवा विभागकाअनुसार अटिज्म निदान भएका अनुमानित २ लाख ९० हजार अस्ट्रेलियालीहरू छन् । अटिज्म भएका अस्ट्रेलियालीहरू सामान्य जनसंख्याको तुलनामा बेरोजगार हुने सम्भावना ६ गुणा बढी र चाँडै मर्ने सम्भावना दुई देखि तीन गुणा बढी हुन्छ । अटिज्म भएका अस्ट्रेलियालीहरूको पाँच प्रतिशतसँग विश्वविद्यालय स्नातक डिग्री छ । जबकि अपाङ्गता भएका सबै व्यक्तिहरूको २० प्रतिशत र अपाङ्गता नभएका ३५ प्रतिशत मानिसहरूसँग छ ।
यो रणनीति सरकारले अटिज्म भएका व्यक्तिहरू र राष्ट्रिय अटिज्म रणनीति निरीक्षण परिषद्को सहकार्यमा निर्माण गरेको हो । राष्ट्रिय अटिज्म रणनीति निरीक्षण परिषद्का सह–अध्यक्ष क्लेयर गिबेलिनिले रणनीतिले अटिज्म भएका व्यक्तिहरूलाई थप सहयोगको आवश्यकता रहेको कुरालाई मान्यता दिने बताएका छन् ।
प्रकाशित मिति: २ माघ २०८१, बुधबार
