बेलारुसमा राष्ट्रपति चुनावको तयारी

काठमाडौँ। जनवरी २६ मा हुने राष्ट्रपति चुनावको तयारीमा रहेको बेलारुसले देशका सडकहरूमा धेरै प्रचार बिलबोर्डहरू देखा परेका छन् ।

केन्द्रिय निर्वाचन आयोगले राष्ट्रपतिको लागि पाँच जना उम्मेदवारहरू दर्ता गरेको छ । वर्तमान बेलारुसी राष्ट्रपति अलेक्ज्याण्डर लुकाशेन्को, बेलारुसको लिबरल डेमोक्रेटिक पार्टीका अध्यक्ष ओलेग गायदुकेभिच, रिपब्लिकन पार्टी अफ लेबर एण्ड जस्टिसका अध्यक्ष अलेक्ज्याण्डर खिजन्याक, व्यक्तिगत उद्यमी अन्ना कानोपट्स्काया र बेलारुसको कम्युनिष्ट पार्टीको केन्द्रीय समितिका प्रथम सचिव सर्गेई सिरान्कोभ हुन् ।

कानूनअनुसार बेलारुसको राष्ट्रपति प्रत्यक्ष चुनावमार्फत छनोट गरिन्छ । ५० प्रतिशतभन्दा बढी मत प्राप्त गर्ने उम्मेदवार निर्वाचित हुनेछन् । यदि कुनैपनि उम्मेदवारले बहुमत प्राप्त गर्न नसके दुई प्रमुख उम्मेदवारहरू दोस्रो चरणमा जानेछन् । जसमा साधारण बहुमत प्राप्त गर्ने उम्मेदवारले जित्नेछ । बेलारुसको राष्ट्रपति चुनाव प्रत्येक पाँच वर्षमा हुन्छ । अगस्ट ९, २०२० मा भएको पछिल्लो चुनावमा लुकाशेन्को ८०.१ प्रतिशत मतका साथ छैटौं पटक राष्ट्रपति निर्वाचित भए ।