१७ पुष २०८१, बुधबार
काठमाडौँ । आर्थिक वर्ष २०२४/२०२५ को पहिलो त्रैमासिक (क्यु १) मा इजिप्टको वास्तविक जीडीपी वृद्धिदर जुलाई १ देखि सेप्टेम्बर ३० सम्ममा ३.५ प्रतिशतमा पुगेको छ ।
जुन आर्थिक वर्ष २०२३/२०२४ को सोही अवधिमा २.७ प्रतिशत थियो । योजना, आर्थिक विकास र अन्तर्राष्ट्रिय सहयोग मन्त्रालयले मङ्गलवार जारी गरेको विज्ञप्तिअनुसार प्रमुख क्षेत्रहरू विशेष गरी गैर–पेट्रोलियम उत्पादनमा बलियो कार्यसम्पादन रहेकाले यो सुधार आएको हो ।
यस क्षेत्रले आर्थिक वर्ष २०२४/२०२५ को पहिलो त्रैमासिकमा आर्थिक वर्ष २०२३/२०२४ को सोही अवधिको तुलनामा ७.१ प्रतिशत वृद्धि दर रेकर्ड गर्दै लगातार दोस्रो त्रैमासिकमा सकारात्मक वृद्धि देख्यो । मन्त्रालयका अनुसार मार्च २०२४ देखि समष्टिगत आर्थिक स्थायित्व पुनस्र्थापना र सार्वजनिक लगानीको सुशासनलाई सुदृढ पार्न आर्थिक सुधार नीतिहरूले पनि जीडीपी वृद्धिदरमा योगदान पुर्याएका छन् ।
इजिप्टले २०२४/२०२५ को पहिलो त्रैमासिकमा स्वेज नहर गतिविधिमा ६८.४ प्रतिशत संकुचन भएपनि यो वृद्धि हासिल गरेका हुन् । क्षेत्रीय भूराजनीतिक तनावले यसको राजश्व घटाएका छन् ।
मन्त्रालयले आर्थिक वर्ष २०२४/२५ मा कुल गार्हस्थ्य उत्पादनको वृद्धिदर ४ प्रतिशत पुग्ने प्रक्षेपण गरेका छन् ।
प्रकाशित मिति: १७ पुष २०८१, बुधबार
