१६ पुष २०८१, मंगलवार
काठमाडौँ । थाइल्याण्डको राजधानी बैंककको एक होटलमा आगलागी हुँदा तीन जनाको मृत्यु हुनुका साथै अन्य सात जना घाइते भएको स्थानीय दमकल विभागले जनाएका छन् ।
सोमवार बैंककको लोकप्रिय ब्याकप्याकर क्षेत्र खाओ सान रोड नजिक रहेको ६ तले होटलमा राति करिव ९ः२१ बजे आगलागी भएको हो । पाँचौं तल्लाको कोठाबाट शुरु भएको आगलागीबाट एक विदेशी महिलाको तत्काल मृत्यु भएको थियो ।
घाइते दुई विदेशीको पछि अस्पतालमा मृत्यु भएको बताएका छन् । सात जना घाइतेमध्ये दुई जना थाई पुरुष र पाँच विदेशी रहेको स्थानीय दमकल विभागले जनाएका छन् । होटललाई सुरक्षा निरीक्षणका लागि बन्द गर्न आदेश दिएका छन् ।
आगलागीको कारणबारे अनुसन्धान भइरहेका छन् ।
प्रकाशित मिति: १६ पुष २०८१, मंगलवार
