१३ पुष २०८१, शनिबार
काठमाडौँ । साना अन्तर्राष्ट्रिय विमानस्थल र होदेइदाह बन्दरगाहमा इजरायलले गरेको श्रृंखलावद्ध हमलापछि सामान्य गतिविधिहरू सुचारु भएको हुथी समूहले जनाएका छन् ।
हुथी यातायात प्राधिकरणका प्रमुख मोहम्मद काहिमले हुथीद्वारा सञ्चालित साबा समाचार एजेन्सीलाई विमानस्थल प्राविधिक रूपमा नागरिक उडानहरू, संयुक्त राष्ट्रका विमानहरू प्राप्त गर्न सक्षम रहेको बताए । काहिमले इजरायली हवाई आक्रमणको पनि आलोचना गरे ।
हुथीद्वारा सञ्चालित अल–मासिराह टिभीले उक्त हमलाले ठूलो क्षति पुर्याएको र कम्तीमा ६ जनाको ज्यान गएको बताएका छन् ।
हुथी समूहले हिरासतमा राखेका राष्ट्रसंघका कर्मचारीलाई रिहा गर्ने विषयमा वार्ताका लागि यमनको राजधानी पुगेका संयुक्त राष्ट्रसंघका एक कर्मचारी घाइते भएका छन् ।
प्रकाशित मिति: १३ पुष २०८१, शनिबार
