१० पुष २०८१, बुधबार
काठमाडौँ । मलेसियाको उत्तरतर्फ जाने उत्तर–दक्षिण द्रुतमार्गको आयर केरोह रेस्ट एण्ड सर्भिसमा तीनवटा सवारीसाधन एकआपसमा ठोक्किँदा सात जनाको मृत्यु भएको छ ।
अन्य ३३ जना घाइते भएका छन् । स्थानीय सञ्चारमाध्यमका अनुसार दुर्घटनामा २७ यात्रु बोकेको एउटा पर्यटक बस, एउटा ट्रेलर र एउटा बहुउद्देश्यीय सवारीसाधन रहेका थिए । स्थानीय प्रहरीकाअनुसार मृत्यु हुनेमा तीन पुरुष, तीन महिला र एक बालिका रहेका छन् ।
दुर्घटनाका कारण राजमार्गको दुवै दिशामा १० किलोमिटरभन्दा बढी ट्राफिक जाम भएको थियो । दुर्घटनाको कारण अनुसन्धान भइरहेका छन् ।
प्रकाशित मिति: १० पुष २०८१, बुधबार
