२८ मंसिर २०८१, शुक्रबार
काठमाडौँ । दक्षिण कोरियाको संसदले बिहीवार राष्ट्रपति युन सुक–योलको मार्शल ल घोषणा र प्रथम महिलाको संलग्नताका घोटालाहरूको बारेमा अनुसन्धान गर्न स्वतन्त्र सल्लाहकारहरू नियुक्त गर्ने विधेयक पारित गरेका छन् ।
पूर्णसत्रमा उपस्थित २८३ राष्ट्रिय सभा सांसदहरू मध्ये १९५ ले युनको विरुद्धमा विशेष अभियोजन विधेयकको पक्षमा मतदान गरेका छन् । ८६ जनाले असहमति जनाएका छन् । दुई जना अनुपस्थित थिए ।
विधेयकमा राष्ट्रपतिले सिफारिस गरिएकामध्ये एकजना अभियोजक छनोट गरी नियुक्ति गर्नुपर्ने व्यवस्था छ । यदि युनले यसलाई भिटो गरेमा, विधेयकलाई फिर्ता लिनुपर्छ । जसमा ३ सय सदस्यीय सभाको कम्तिमा दुई तिहाईले यसलाई पारित गर्नको लागि मतदान गर्नुपर्छ । युनले डिसेम्बर ३ को रातमा आपतकालीन मार्शल ल घोषणा गरेका थिए । जुन केही घण्टापछि राष्ट्रिय सभाले खारेज गरेका थिए । अनुसन्धान एजेन्सीहरूले युन विरुद्ध विद्रोह र अन्य आरोपहरूको छानबिन गरेका छन् ।
यसैबीच, प्रथम महिला किम केओन–ही विरुद्धको विशेष काउन्सिल विधेयकमा बिहीवार भएको मतदानमा सहभागी २ सय ८२ सांसदमध्ये १९५ पक्षमा र ८५ विपक्षमा परेका थिए भने दुई जना अनुपस्थिति थिए । पहिलो महिला विरुद्ध अघिल्लो तीन बिल युनद्वारा भिटो र एक रिभोटमा खारेज गरिएको थियो ।
प्रकाशित मिति: २८ मंसिर २०८१, शुक्रबार
