१४ चैत्र २०७९, मंगलवार
१४ चैत्र, काठमाडाैँ । १० दलीय सत्ता गठबन्धनको बैठक निष्कर्षविहीन भएको छ । मंगलबार साँझ प्रधानमन्त्री निवास बालुवाटारमा बसेको बैठक कुनै ठोस निर्णयबिना नै टुङ्गिएको हो ।
दलहरुले आ–आफ्नो दाबी नछोड्दा बिनानिष्कर्ष बैठक सकिएको जानकारी दिइएको छ ।
बैठकपछि सञ्जारकर्मीहरूसँग बोल्दै नेपाली कांग्रेसका प्रमुख सचेतक रमेश लेखकले बैठक सकारात्मक दिशा तर्फ बढेको बताउँदै ठोस निर्णयका लागि बुधबार पुनः बस्ने जानकारी दिएका छन् ।
‘सरकारपक्षीय राजनीतिक दलका नेताहरुको बैठक बस्यो । सरकारको न्यूनतम साझा कार्यक्रमको मस्यौदा छलफलका लागि पेश भयो । भोलि फेरि बस्ने भन्ने छ। भागबण्डाको बारेमा छलफल भएन ।’ उनले भने ।
प्रकाशित मिति: १४ चैत्र २०७९, मंगलवार
