३० आश्विन २०८१, बुधबार
काठमाडौँ। प्रधानमन्त्री केपी शर्मा ओलीले वर्तमान सरकार परिवर्तनको हल्ला निराधार भएको बताएका छन् ।
६९ औँ प्रहरी दिवसका अवसरमा बुधबार प्रहरी मुख्यालयमा आयोजित विशेष समारोहमा बोल्दै प्रधानमन्त्री ओलीले दसैँपछि सरकार परिवर्तन हुने हल्ला निराधार भएको बताउदै अहिलेको गठबन्धनको सरकार पूरै अवधि चल्ने बताएका छन् ।
ठूलो योगदान र इतिहास बोकेका नेपाली काँग्रेस र एमाले मिलेर अहिले बनेको दुई तिहाइको सरकार खरानीको डल्लो नभएको उनले बताए । प्रधानमन्त्री ओलीले देशलाई परिवर्तन गर्न ठूला दल मिलेर सरकार बनेको स्पष्ट पारे ।
आफूले एक वर्ष ९ महिना नेतृत्व गरेर काँग्रेस सभापति शेरबहादुर देउवालाई सत्ता हस्तान्तरण गर्ने उनको भनाइ छ । प्रधानमन्त्री ओलीले आगामी आमनिर्वाचन काँग्रेस सभापति देउवाको नेतृत्वमा हुनेसमेत बताए ।
प्रकाशित मिति: ३० आश्विन २०८१, बुधबार
