इजरायलविरुद्ध सैन्य कारबाही सकियोः इरानी विदेशमन्त्री

एजेन्सी। इरानका विदेशमन्त्री सैयद अब्बास अराघचीले इजरायलविरुद्धको सैन्य कारबाही सकिएको बताएका छन्।

इरानले मंगलवार राति इजरायल भित्रका लक्ष्यहरू विरुद्ध गरेको मिसाइल आक्रमणको विस्तृत विवरण दिँदै उनले सो टिप्पणी गरेका हुन् । इरानको इस्लामिक रिभोलुसन गार्ड्स कोर (आईआरजीसी) ले हमास पोलिटब्युरो प्रमुख, हिजबुल्लाह महासचिव र आईआरजीसीका एक वरिष्ठ कमाण्डर लगायतका प्रतिरोधी नेताहरूको हत्याको बदलास्वरूप आक्रमणहरू भएको र यसका दुर्भावनापूर्ण कार्यहरूलाई तिब्रता दिएको बताएको छ ।

मङ्गलवार इजरायलको सेनाले इरानी आक्रमणको जवाफ दिन आज राति मध्यपूर्वमा आक्रमण गर्ने प्रतिवद्धता गरेको थियो ।