१५ आश्विन २०८१, मंगलवार
काठमाडौँ । नेपाल बार एशोसिएशनका अध्यक्ष गोपालकृष्ण घिमिरेले न्याय परिषद्को विषयलाई सर्वोच्च अदालतले आफ्नो विषय बनाउनु नहुने बताएका छन् ।
मंगलवार बार परिसरमा पत्रकार सम्मेलन गरी उनले यस्तो बताएका हुन् । उनले सर्वोच्च न्यायपरिषद्ले गरेका कामहरुलाई सर्वोच्च अदालतले आफ्नो विषय बनाएर जान नहुने भन्दै अपहेलना मुद्दाको विषय नै नभएका जिकिर गरेका छन् । उनले न्याय परिषद्ले सोमवार आफूबिरुद्ध खेद प्रश्ताव पास गरेको भन्दै न्याय परिषद् गैर संवैधानिक काम गर्ने र बारलाई खेद प्रकट गर्ने काम भएको बताएका छन् । उनले आफू बिरुद्ध दर्ता भएको अपहेलनाको मुद्दा लड्ने बताउदै उनले अपहेलना मुद्दा दर्ता गरेर तर्साउन नखोज्न पनि चेतावनी दिएका छन् ।
उनले भने, ‘न्याय परिषद्ले हिजो मेराबिरुद्ध खेद प्रश्ताव पास गरेको रहेछ । उहाँहरु गैरसंवैधानिक काम गर्ने, खेद जति हामीले खाने भएको रहेछ । आज नेपाल बार एशोसिएशनको बिरुद्ध सर्वोच्च अदालतमा एउटा अपहेलना मुद्दा दर्ता भएको हामीले हे¥यौँ । यो मुद्दा हामी फेस गर्छौँ । नेपाल बार यो मुद्दा फेस गर्छ । यो मेरो मात्रै मुद्दा होइन, कानून व्यवसायीको प्रतिष्ठासँग जोडिएको विषय हो । कसैले तर्साउन खोजेर हामी तर्सिनेवाला छैनौँ । यो अपहेलनाको मुद्दा बन्ने विषय नै थिएन । यो अदालतको विषय नै होइन । न्याय परिषद्को विषयलाई सर्वोच्च अदालतले आफ्नो विषय मान्नु हुँदैन । यसरी हामी संवैधानिक निकायहरुको बीचमा बोल्नै नपाउने हुन थाल्यौँ भने त यो घुमाउरो पारोले हाम्रो अधिकारबाट कुण्ठित गर्ने प्रपञ्च हुँदैछ ।’
बार अध्यक्ष घिमिरेले संवैधानिक निकायहरुको बीचमा बोल्नै नपाउने कुराले अधिकारबाट कुण्ठित गर्ने प्रपञ्च चलिरहेको अनुमान गर्न सकिने बताएका छन ।
प्रकाशित मिति: १५ आश्विन २०८१, मंगलवार
