१३ आश्विन २०८१, आईतवार
काठमाडौँ । नेपाली काँग्रेसकी केन्द्रिय सदस्य पुष्पा भुसालले महिलाहरुलाई मानव पुँजीको रुपमा नलिएसम्म देश धनि बन्न नसक्ने बताएकी छिन् ।
आईतवार नेपाल कम्युनिस्ट पार्टी निकट अखिल नेपाल महिला सङ्घ(क्रान्तिकारी)ले काठमाडौंमा आयोजना गरेको महिला सुरक्षाका चुनौती र समाधान विषयक अन्तरक्रियामा बोल्दै उनले महिलाहरुलाई मानव पुँजीको रुपमा लिदैँ सोही अनुरुपको अवसरहरु दिनुपर्ने बताएकी छिन् । उनले महिलाहरुको श्रमलाई उत्पादन र विकाससँग जोड्नुपर्नेमा जोड दिनुपर्ने बताउदै उनले महिलाहरुले बजार व्यवस्था र अर्थ व्यवस्थामा नेतृत्व गरेका देशहरु धनि भएको उदाहरण दिँदै उनले महिलाहरुलाई अवसर नदिएमा देश धनि बन्न नसक्ने ठोकुवा गरेकी छिन् ।
उनले भनिन, ‘अब नेपालको महिलाहरुलाई महिला होइन मानव पुँजी भनेर जबसम्म महिलाहरुलाई, महिलाहरुको श्रमलाई जबसम्म उत्पादनसँग जोड्दैनौँ । महिलाहरुको श्रमलाई जबसम्म विकाससँग जोड्दैनौँ । महिलाको श्रमलाई जबसम्म हामी अर्थतन्त्रसँग जोड्दैनौँ हामी विकसित मुलुकमा प्रवेश गर्दैछाँै भन्ने ठूलो चुनौती नेपाल सरकारको सामु आएको छ । महिलाहरु मानव पुँजी हुन् । बजार व्यवस्था, अर्थ व्यवस्थामा महिलाहरुको नेतृत्व भएका देशहरु धनि छन् । महिला गरिब छन्, महिलालाई धनि बनाउनुपर्छ होइन । मुलुकलाई धनि बनाउनलाई जबसम्म महिलाहरुलाई मानव पुँजीको रुपमा हामी अबसर दिदैनौँ । देश धनि हुँदैन भन्ने कुरा ठोकुवाका साथ हामीले भन्नुपर्ने हुन्छ ।’
उनले महिलाहरुको सुरक्षालाई राज्यले प्राथमिकतामा राख्न नसकेको बताइन्।
प्रकाशित मिति: १३ आश्विन २०८१, आईतवार
