२६ भाद्र २०८१, बुधबार
सिन्ह्वा। प्रतिनिधित्व सुधार गर्न डिजाइन गरिएको नयाँ निर्वाचन कानून अन्तर्गत जोर्डनको पहिलो संसदीय चुनावमा मतदान ३२.१ प्रतिशत मतदान भएको छ । देशको स्वतन्त्र निर्वाचन आयोगले मतदान सकिएसँगै मतगणना प्रक्रिया शुरु भएको जनाएको छ ।
मतदानमा पुरुष मतदाताको ३५ दशमलव ६ प्रतिशत र महिला मतदाताको २९ दशमलव १ प्रतिशत रहेको उल्लेख गरेको छ । आयोगका प्रवक्ता मोहम्मद खैर अल–रावसदेहले २०२२ मा ल्याइएको नयाँ कानूनले सांसदको संख्या १३० बाट १ सय ३८ पुर्याउने र महिला तथा युवाको प्रतिनिधित्वको लागि कोटा बढाउने व्यवस्था गरेबमोजिम मतदान सम्पन्न भएको बताएका छन् ।
कानून अनुसार प्रत्येक राजनीतिक दलको उम्मेदवार सूचीमा प्रत्येक तीन उम्मेदवारका लागि कम्तिमा एक महिला र शिर्ष पाँच पदमा ३५ वर्षमुनिका एक व्यक्ति समावेश गर्नुपर्नेछ । साथै शासनमा युवा सहभागिता बढाउने उद्देश्यले संसदीय उम्मेदवारको न्यूनतम उमेर ३० बाट २५ वर्षमा झारिएको छ ।
यस वर्षको संसदीय चुनावलाई जोर्डनको राजनीतिक संक्रमणको महत्वपूर्ण चरणको रूपमा हेरिएको छ । मतदाताहरूले महत्वपूर्ण सुधारको आशा गरेका छन् । उनीहरले युवाहरु चुनावमा प्रतिष्पर्धा गर्नु राम्रो भएको बताए ।
प्रकाशित मिति: २६ भाद्र २०८१, बुधबार
