एन्फा महिला लिगमा कोशीको सुखद् शुरुवात

काठमाडौं ।कोशी प्रदेशले आईतवार वालिङ नगरपालिकामाथि फराकिलो जित निकाल्दै एन्फा महिला फुटबल लिगमा सुखद् शुरुवात गरेको छ ।

सातदोबाटोस्थित अखिल नेपाल फुटबल संघ (एन्फा) कम्प्लेक्सको मैदानमा भएको उद्घाटनमा खेलमा कोशीले वालिङमाथि ४–० गोलअन्तरको जित निकाल्दै लिगमा सुखद् शुरुवात गरेको हो । कोशीको जितमा समीक्षा मगरले दुई तथा सन्जुमाया तामाङ र प्रतिक्षा राईले समान एक गोल गरे । कोशीले पहिलो हाफमा एक गोल गर्यो  । दोस्रो हाफमा थप आक्रामक बन्दै कोशीले तीन गोल थपेपछि वालिङले फराकिलो हार सामना गर्नुपर्यो । खेलको दशौं मिनेटमा नै सञ्जुमायाले कोशीलाई अग्रता दिलाइन् ।

कोशी समीक्षा मगरले राइट साइडबाट गरेको क्रस वालिङका डिफेन्डरले क्लियर गर्न सकेनन् । सोही बल नियन्त्रणमा लिँदै पूर्णिमा राईले दिएको कट पासमा सदुपयोग गर्दै सन्जुमायाले नजिकै दूरीबाट गोल गरिन् । यो गोलले नै पहिलो हाफमा कोशीले अग्रता लियो । दोस्रो हाफमा खेलमा फर्किने लक्ष्य लिएको वालिङ उल्टै तीन गोल सामना ग¥यो । ५१औं मिनेटमा समीक्षाले नै गोल गर्दै अग्रता दोब्बर बनाइन् । उनले करिब २२ यार्ड टाढाबाट सुन्दर गोल गरिन् । ५७औं मिनेटमा वालिङकी सुक्रिया मियाले गरेको सशक्त फ्रिकिक प्रहारले सफलता पाउन सकेन ।

करिब २५ यार्डबाट उनको उत्कृष्ट प्रहार कोशीकी गोलकिपर रन्जु राजवंशीले पन्च गर्दै बाहिर पठाइदिइन् । लगत्तै कर्नर प्रहारमा पनि वालिङले अवसर खेर फाल्यो । ५९ औं मिनेटमा समीक्षाले दोस्रो गोल गर्दै कोशीलाई सहज अवस्थामा पु¥याइन् । कप्तान सिमरन राईले लामो दूरीबाट गरेको फितलो प्रहारमा वालिङकी गोलकिपर राधिका ओली सजक हुन नसक्दा ड्रप बल हेडिङ गर्दै समीक्षा गोल गरेकी हुन् । ६९औं मिनेटमा कोशीले आत्मघाती गोल उपहार पायो । राइट साइडबाट कोशीकी प्रतीक्षा राईले दिएको कट पास रोक्न क्रममा वालिङकी यामकुमारी बिकले आफ्नै पोस्ट गोल गर्न पुगिन् ।

त्यसपछि दुवै तर्पबाट गोलको प्रयास भए पनि सफल भएन र कोशीले फराकिलो जित आत्मसात गर्यो । जितसँगै कोशीले लिगमा तीन अंक जोडेको छ । कुल १० टोलीको सहभागिता रहेको लिग दुई चरणमा हुनेछ । यसपल्ट १० टोलीबीच सिंगल राउन्ड रोबिनको आधारमा ४५ खेल हुनेछ । यो राउण्डबाट उत्कृष्ट पाँच टोली दोस्रो राउण्डमा छनोट हुनेछन् । दोस्रो चरणमा डबल राउण्ड रोबिनमा सुपर लिग हुनेछ । सुपर लिगमा २० खेल हुनेछ । सुपर लिगबाट उत्कृष्ट चार टोली छनोट हुने र सुपर लिगमा क्वालिफायर, एलिमिनेटर र फाइनल चार खेल खेल्नेछन् ।

यसैबीच कुल ६९ खेल खेल हुनेछन् । प्रतियोगिताका खेलहरू त्रिपुरेश्वरस्थित दशरथ रंगशाला (शनिवार) र सातदोबाटोस्थित एन्फा कम्प्लेक्समा हुनेछ । प्रतियोगिताको विजेतालाई १० लाख, उपविजेतालाई पाँच लाख, उत्कृष्ट खेलाडीलाई एक लाख, फेयर प्ले टिमलाई एक लाख ५० हजार, उत्कृष्ट गोलकिपर र उच्च गोलकर्तालाई समान ५० हजार रुपैयाँ प्रदान गरिने शाहले जानकारी गराए । हरेक खेलका प्लेयर अफ द म्याचलाई पाँच हजार रुपैयाँ प्रदान गरिनेछ ।