१३ भाद्र २०८१, बिहीबार
सिन्ह्वा। अमेरिकी विशेष काउन्सिल ज्याक स्मिथले पूर्वराष्ट्रपति डोनाल्ड ट्रम्प, रिपब्लिकन राष्ट्रपति पदका उम्मेदवार विरुद्ध संघीय फौजदारी मुद्दामा नयाँ अभियोग दायर गरेका छन् ।
सर्वोच्च अदालतको निर्णयपछि ट्रम्पलाई उनको आधिकारिक आचरणको लागि राष्ट्रपतिको रूपमा अभियोजनबाट उन्मुक्ति दिइएको भन्दै अभियोग दर्ता गरिएको हो ।
नयाँ अभियोगले ट्रम्प विरुद्ध केही विशिष्ट आरोपहरू हटाएको छ । तर संयुक्त राज्य अमेरिकालाई धोका दिने षड्यन्त्र र आधिकारिक कार्यवाहीमा बाधा पुर्याउने षड्यन्त्रसहित चार आपराधिक आरोपहरू कायम राखेको छ ।
अभियोगमा पूर्व राष्ट्रपतिलाई २०२० को चुनावलाई उल्ट्याउन र लाखौं मतदातालाई मताधिकारबाट वञ्चित गर्ने षड्यन्त्र रचेको आरोप लगाइएको थियो । जुन योजनाले जनवरी ६, २०२१ मा अमेरिकी क्यापिटलमा पुलिसमाथि हिंसक आक्रमणहरूको श्रृंखला निम्त्याएको थियो ।
प्रकाशित मिति: १३ भाद्र २०८१, बिहीबार
