१० चैत्र २०७९, शुक्रबार
१० चैत्र, काठमाडाैँ । कांग्रेस सांसद् राजेन्द्र बजगाईँले कांग्रेसले मन्त्री बनाँउदा पटकपटक मन्त्री भएकालाई फेरी मौका दिन नहुने बताएका छन् । सञ्चारकर्मीसँग प्रतिक्रिया दिँदै उनले कांग्रेसमा यसपटक नयाँ र युवा अनुहारले अवसर पाउनुपर्ने आवाज रहेका बताएका हुन् ।
‘अरु पार्टीले नयाँलाई अबसर दिइरहेका छन् । कांग्रेसबाट पूरानालाई मन्त्रीपरिषद्मा पठाउँदा नयाँ पार्टीमा गएको युवा आकर्षण कांग्रेसले फर्काउन सक्दैन,’उनले भने,‘कांग्रेसमा ‘फ्रेस’लाई मन्त्री बनाउनुपर्छ भन्ने आवाज छ ।’
कांग्रेस इतर निकट मानिने बजगाईँको नाम पनि कांग्रेसबाट मन्त्रीको आकांक्षीका रुपमा चर्चामा छन् । कांग्रेसबाट मन्त्री कसलाई बनाउने भन्ने बिषयमा कांग्रेस सभापति शेरबहादुर देउवाले पार्टीमा छलफल गरिरहेका छन् । इतर समूहले पनि गठबन्धनबाट कांग्रेसले पाउने मन्त्रालयमध्ये महाधिबेशनको मत अनुसार ४० प्रतिशत हिस्सेदारी आफूले पाउनुपर्ने भन्दै छलफल गरिरहेको छ ।
बिहिबार नेता डा. शेखर कोइरालाले आँफूनिकटको भेला बोलाएर पछिल्लो अवस्थाबारे जानकारी नेताहरुसँग परामशै गरेका थिए ।
प्रकाशित मिति: १० चैत्र २०७९, शुक्रबार
