१० चैत्र २०७९, शुक्रबार
१० चैत्र, काठमाडाैँ । नेकपा एकीकृत समाजवादीका अध्यक्ष माधव कुमार नेपालले नेपालका सबै राजा खराब भएको टिप्पणी गरेका छन्।
पार्टीनिकट भूपू सैनिकहरूको कार्यक्रममा बोल्दै उनले राजाका समर्थकहरूलाई नेपालमा कुन राजा गतिला थिए र ? भन्ने प्रश्न गरेका हुन् ।
‘अहिले तपाईं देखिरहनुभएको छ ‘राजा आऊ, देश बचाऊ’ भनिरहेका छन्। राजतन्त्रलाई पुनर्स्थापित गर्नुपर्छ भन्नेहरू देखिरहनुभएको छ। के नेपालमा राजा कुनै गतिला छन् ?’ उनले प्रश्न गरे ।
कार्यक्रममा बोल्दै उनले तत्कालीन राजाहरू भ्रष्टाचारबाट मुक्त हुन नसकेको आरोप लगाउँदै अब राजाले देश विकास गर्न नसक्ने तर्क समेत राखेका थिए ।
प्रकाशित मिति: १० चैत्र २०७९, शुक्रबार
