२१ श्रावण २०८१, सोमबार
काठमाडौं । काठमाडौं महानगरपालिका-७, कालोपुलमा २० वर्षीय प्रेम महत दर्जीको हत्या गरेको अभियोगमा उनकी श्रीमतीसहित दुई जना पक्राउ परेका छन्। महतको आइतबार बिहान हत्या भएको प्रहरीको भनाइ छ।
पक्राउ परेकी ओखलढुंगा मानेभञ्जयाङ गाउँपालिका–९ माधवपुर घर भएकी २४ वर्षीया उषा नेपाली प्रेमकी श्रीमती हुन्। त्यस्तै सोही ठाउँका २७ वर्षीय मदन रम्तेलालाई पनि पक्राउ गरिएको जिल्ला प्रहरी परिसर काठमाडौंका प्रवक्ता एवं प्रहरी उपरीक्षक नवराज अधिकारी जानकारी दिए।
प्रेम र उषा विगत एक महिनादेखि कालोपुलस्थित एक घरमा डेरा लिई बस्दै आएका थिए। घटनाबारे थप अनुसन्धान भइरहेको प्रवक्ता अधिकारीले बताए।
प्रकाशित मिति: २१ श्रावण २०८१, सोमबार
