प्रचण्डले खोजी खोजी हटाएका, ओलीले खोजी खोजी संरक्षण गरेका गणेश !

माेहन संग्राम, काठमाडाैं । खोटाङ काहुलेका गणेश राईको कुहिना देखि तल हात छैन, कम्प्युटरको राम्रो सीप छ, राम्रो पढ्ने राम्रो स्केच गर्ने गणेश अरू सबलाङ्गहरू झैं चुस्त कार्यसम्पादन गर्छन्।विशाल भट्टराई, भैरव राई र स्व. मिलन राईले झण्डै दशक अगाडि गणेशलाई प्रधानमन्त्री केपी शर्मा ओलीसँग भेटाएपछि सिधै उनले प्रधानमन्त्री कार्यालयमा जागिर पाए ।

ओलीको बहिर्गमन सँगै प्रचण्ड प्रधानमन्त्री भएपछि गणेशको हातमुख जोड्ने बाटो हरायो, उनी जागिर बाट निकालिए, फेरि ओलिको पुनरागमन पछि गणेशले जागिर पाए, फेरि ओली प्रधानमन्त्रीबाट बाहिरिएसँगै दोश्रोपटक प्रचण्डले गणेशलाई हटाए ।

यसपटक केपी ओली प्रधानमन्त्री भएर कार्यालय आउँदा गणेश नदेखेपछि ओलीले गणेशलाई खोजेर आफूले नियुक्त गर्न पाइने आफ्नो सचिवालयमा नियुक्त गर्नुभयो ।
गणेश र ओलीको छुट्टै कुनै साइनो छैन, एउटै साइनो छ – संवेदनाको साइनो, हामीसँग पनि ओलीको प्रमुख साइनो यही नै हो ।