६ श्रावण २०८१, आईतवार
काठमाडौं । गृहमन्त्री रमेश लेखकले देशमा क्रियाशील राजनीति दल बिचमा संवाद र सहमतिबाट संविधान संशोधन गरिने बताउनु भएकाे छ । आतबार प्रतिनिधिसभा बैठकबाट बाहिरिने क्रममा संघीय संसद भवनमा पत्रकारसँग संक्षिप्त प्रतिक्रिया दिँदै गृहमन्त्री लेखकले यस्ताे बताउनु भएकाे हाे ।
साथै संघीय लाेकतान्त्रिक गणतन्त्रात्मक व्यवस्था र समावेशितालाई थप सुदृढीकरण संविधान संशोधन गरिने उहाँकाे भनाइ थियाे । नेपाली कांग्रेस र एमालेबिच सत्ता सहकार्यका लागि भएकाे सात बुँदे सहमतिमा पनि संविधान संशोधनकाे कुरा उल्लेख छ ।
प्रधानमन्त्री केपी शर्मा ओलीले आज प्रतिनिधिसभामा विश्वासकाे मत माग्ने क्रममा उक्त सात बुँदे सहमति सार्वजनिक गर्नुभएकाे थियाे । सरकारकाे विधेयक समितिका संयाेजक समेत रहेका गृहमन्त्री लेखकले संविधानकाे अभ्यासका क्रममा देखिएका सबल र दुर्बल पक्षकाे समीक्षा गरि आवश्यक संशोधन र परिमार्जन गरिने बताउनुभयाे ।
प्रकाशित मिति: ६ श्रावण २०८१, आईतवार
