१९ असार २०८१, बुधबार
काठमाडौं । त्रिभुवन राजपथ अन्तर्गत नागढुंगा–नौबिसे सडक खण्ड दुई दिन रातको समयमा बन्द हुने भएको छ ।
नौबिसे खोला पुलमा काम गर्न सहजीकरणका लागि असार १९ र २० गते राति १० बजेदेखि बिहान ३ बजेसम्म अति आवश्यक सवारी साधन एम्बुलेन्स र सुरक्षा निकायले प्रयोग गर्ने सवारी साधन बाहेकका लागि यो सडक बन्द गर्न लागिएको धादिङ प्रहरीले जानकारी गराएको छ ।
यस अवधिमा सबै चालकलाई लेन अनुशासन कायम राख्न, जथाभावी ओभरटेक नगर्न र वैकल्पिक मार्ग प्रयोग गर्न समेत प्रहरीले अनुरोध गरेको छ ।
काठमाडौँबाट नौबिसे निस्कन वा नौबिसेबाट काठमाडौँ आउन वैकल्पिक मार्गका रूपमा अहिले यात्रुले धार्के-सितापाइला सडक प्रयोग गर्न सक्छन् ।
सूचना :
प्रकाशित मिति: १९ असार २०८१, बुधबार
