१९ असार २०८१, बुधबार
काठमाडौं । नेपाली कांग्रेसका महामन्त्री विश्वप्रकाश शर्माले चार महिनामा सरकार बदलिने कुरा सुखद् नभएको बताएका छन् । बुधबार बूढानीलकण्ठमा केन्द्रीय कार्यसम्पादन समितिको बैठकका क्रममा सञ्चारकर्मीसँग उनले ठूला दल मिलेर स्थिरता दिन सकुन भन्ने आमनागरिकको अपेक्षा भएको बताए ।
“राजनीतिमा कुनै पनि कुरा असहज हुँदैन । सरकार चार महिनामा बदलिने कुरा निश्चय नै राम्रो होइन । यो परिस्थितिको माग भयो,” उनले भने, “आमनागरिकमा पनि दुई ठूला दल मिलेर स्थिरता दिन सकुन, बिग्रिएको अर्थतन्त्रको सामना गरुन भन्ने अपेक्षा छ ।”
कांग्रेस र एमालेबीच ७ बुँदे सहमति भएको उनको भनाइ छ । उनले आज नेकपा एमालेले सरकारलाई दिएको समर्थन फिर्ता लिने सम्भावना रहेको बताए ।
प्रकाशित मिति: १९ असार २०८१, बुधबार
