काठमाडौँ । काठमाडौँ महानगरपालिकाककाे वडा नं. ५ मा विद्यालयस्तरीय बुद्धिचाल प्रतियोगिता सुरु भएकाे छ । बालबालिकाको वौद्धिक विकास गराउन र आपसमा भेट भएर खेल खेल्ने संस्कारको विकास गराउन यसप्रकारको प्रतियोगिता आयोजना गरिएको हो । खेल आयोजनाको उद्देश्यका बारेमा जानकारी दिँदै वडाध्यक्ष वीरेन्द्र प्रजापती भन्नुहुन्छ, ‘भेला भएर खेलिने खेलले व्यक्तिको सामाजिक सिप विकास हुन्छ । मोवाइलको लतले एक्लो जीवनतर्फ उन्मुख बाल संसार सामाजिक जीवनमा फर्काउन खेलले ठुलो भूमिका खेल्ने अपेक्षा गरेका छौँ ।’
