१० जेष्ठ २०८१, बिहीबार
काठमाडौं । हुम्ला सार्केगाड गाँउपालिका १ घर भई बौद्धस्थित समता स्कुलमा अध्ययनरत १७ वर्षिय छोरा बिपेश कार्कीको परिवारले जीवनरक्षाको लागि अपिल गरेको छ । बुवा गड बहादुर कार्कीले एक्कासी दुबै खुट्टा नचल्ने, बाथरोग, उच्च ज्वरो र टाउकोमा पानी जमेको लगायत गम्भिर प्रकृतिको रोग लागेको बताए ।
चार महिनासम्म वीर अस्पताल, ग्राण्डि ईन्टरनेशनल अस्पताल, अन्नपुर्ण न्युरो अस्पताल, नर्भिक अस्पताल र नेपाल मेडिकल कलेजमा राखेर उपचार ग¥यौँ तर, रोगको उपचार हुन सकेको छैन । चिकित्सकहरुले कहिले क्यान्सर त कहिले टिबी भएको भन्दै उपचार गरेको तर,कुनै पनि उपचार सफल भएन ।
उनले परिवारबाट ऋण सापट गरेर धान्न सक्ने सबै उपचार भयो । उपचार गर्न नसक्दा स्वास्थ्य अवस्था झन विग्रँदै गएको बताए । उपचारको लागि अस्पतालले पेट स्क्यानको लागि ७० हजार र एक पटक ईनजेक्सन लगाएको मात्रै २ लाख १० हजार चाहिने जानकारी गराएको थियो । तर कमजोर आर्थिक अबस्था भएको हाम्रो परिवारबाट रकम जुटाएर उपचार गर्ने अबस्था रहेन । लामो समयसम्मको उपचारबाट गर्दा पनि अझै रोग पत्ता लाग्न सकेको छैन् । अन्य चेकजाँच बाँकी नै छन् ।
तर यसको लागि परिवारले रकम जुटाउन सकेको छैन । उपचारको लागि आर्थिक सहयोग गरिदिन हुन अनुरोध गर्दछु । इच्छुकले सिटिजन्स बैंकमा रहेको खाता नम्बर ०२७०१०००००७२६००९ वा ९८६२५७५८५६ नम्बरमा रहेको इसेवा आईडी मार्फत सहयोग गर्न सक्नेछन ।
प्रकाशित मिति: १० जेष्ठ २०८१, बिहीबार
