७ चैत्र २०७९, मंगलवार
७ चैत्र, काठमाडाैँ । सामाजिक अभियन्ता तथा कलाकार सीताराम कट्टेल धुर्मुसले निर्माण गर्ने भनेर अलपत्र पारेको क्रिकेट रंगशालाको विषयमा आफ्नो धारणा सार्वजनिक गरेका छन् ।
उनी भरतपुर रंगशाला निर्माणस्थमा पुगेर निर्माण क्षेत्रबाटै यसबारेमा मुख खोलेका हुन् । उनले सोक्रममा उनिहरूमाथि लागेको आरोपबारे जवाफ पनि दिएका छन् ।
उनले राज्यमा नभएको गतिलो रंगशाला बनाउने सपना देख्दा आफूहरुले मानसिक यातना भोग्नुपरेको गुनासो गरेका छन् । उनले उक्त काममा कतै आफ्नो गल्ती भेटिए सजाय भोग्न तयार रहेको समेत बताए ।
उनले एक भिडियोर्फत भनेका छन्, ‘ यदि एक रुपैयाँ पनि हिनामिना भएको भेटियो भने मलाई यही रंगशाला निर्माणस्थलमा खाल्डो खनेर पुरिदिए हुन्छ।’
‘तपाईंहरुले गर्नुभएको सहयोग खेर गएको छैन । सबै यही खर्च भएको छ । हामी निमित्तमात्र हौं । स्वयम्सेवी हौं । यो राज्यको सम्पत्ति हो । सामाजिक सञ्जालका भित्ता रंगाउनुअघि यहाँ हेर्न आइदिनुस् ।’ उनले भनेका छन् ।
यस्तो छ उनले रंगशालाबारे भनेका कुराहरूः
प्रकाशित मिति: ७ चैत्र २०७९, मंगलवार
