२१ बैशाख २०८१, शुक्रबार
काठमाडाैं ।‘सिप मेला २०८१’ को आज तेस्रो दिन । पूर्व निर्धारित समय तालिकाअनुसार तालिमका कक्षाहरु धमाधन सञ्चालन हुन थालेका छन् । कक्षामा सहभागी हुन पाएका प्रशिक्षार्थीहरुका मुहारमा मुस्कान देखिन्थ्यो । तालिममा सहभागी हुन पाएकोमा भविष्यप्रति आशावादी भएको उहाँहरुको प्रतिक्रिया छ ।
आवेदकलाई तालिममा आउन महानगरपालिकाबाट एसएमएस पठाउने गरिएको छ । आवेदकको संख्या धेरै भएकोले सबैलाई एकै पटकमा बोलाउन नसकिएको हो । वडाहरुबाट आएका फाराम कम्प्युटरमा प्रविष्ट गराइँदै छ । टुँडिखेलमै आएर आवेदन दिनेका फाराम भर्नेहरुको विवरणमा देखिएको त्रुटि र दोहोरोपनाका कारण यी फारामहरुको पनि वर्गीकरण भइरहेको छ ।
‘सिप मेला २०८१’ का लागि आवेदन दिएकामध्ये मेलामा सहभागी गराउन नसकिने आवेदकलाई ‘रोजगारी र आय वृद्धि, काठमाडौँको समृद्धि’ गौरव योजनाअन्तर्गत सञ्चालन भइरहेका तालिम कार्यक्रममा सहभागी गराउने तयारी छ । यो तालिम पनि निःशुल्क हो । थप जानकारी लिनका लागि टोल फ्री नं. १६६००१ ०५५११ र ११८० मा सम्पर्क गर्नु सक्नुहुनेछ ।
प्रकाशित मिति: २१ बैशाख २०८१, शुक्रबार
