६ चैत्र २०७९, सोमबार
६ चैत्र, काठमाडाैँ । वर्तमान प्रधानमन्त्री पुष्पकमल दाहाल प्रचण्डले पुर्व प्रधानमन्त्री तथा एमाले अध्यक्ष केपी शर्मा ओलीलाई आफूले दुईपटक प्रधानमन्त्री बनाएको दाबी गरेका छन् ।
सोमबार विश्वासको मत लिने क्रममा संसदमा प्रश्नहरूको उत्तर दिँदै ओलीलाई हिसाब किताब राख्न अनुरोध गरेका छन् । सो क्रममा उनले दुईपटक प्रधानमन्त्री बनाएको र त्यसको ब्याज आफूले पाएको बताए ।
मैले तपाइँलाई दुईपटक प्रधानमन्त्री बनाएको थिएँ। ब्याज थियो। एउटा त बनाउनुभयो। एउटा अझै बाँकी छ। हिसाब राख्नुहोला,’ उनले भने ।
उनले आफू प्रधानमन्त्री बनाइदिनुस् भनेर खोज्दै नगएको दाबी गर्दै भने, ‘केही समयदेखि उहाँहरू (एमाले)ले बल गर्दै हुनुहुन्थ्यो। म भने यतै बल गर्दै थिएँ। म प्रधानमन्त्री खोज्दै गएको सत्य होइन। अनेक गरेर मलाई बोलाउनुभयो। म त्यसबारे धेरै भन्दिनँ ।’
प्रकाशित मिति: ६ चैत्र २०७९, सोमबार
