९ बैशाख २०८१, आईतवार
काठमाडौँ। ललितपुरको गोदावरीस्थित सनराइज सभाहलमा हिजो सुरु भएको नेकपा एमालेको राष्ट्रिय महाधिवेशन प्रतिनिधि परिषद् बैठक आज पनि जारी रहनेछ । बैठकमा पेस भएका प्रतिवेदनउपर आज समूहगत छलफल हुनेछ ।
हिजो पहिलो दिनको बैठकमा प्रस्तुत प्रतिवेदनहरुलाई छलफलपछि आजै पारित गरेर बैठक समापन गर्ने कार्यसूची समेत रहेको छ । परिषद् बैठकमा दुई हजार चार सय ५४ प्रतिनिधि सहभागी छन् ।
आज एमाले नेकपा स्थापनाको ७५औँ वर्षका अवसरमा विशेष कार्यक्रम आयोजना गर्दैछ ।कार्यक्रममा प्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा लगायत दलका शीर्ष नेताहरुलाई बोलाएको छ ।
प्रकाशित मिति: ९ बैशाख २०८१, आईतवार
