सुदूरपश्चिम रोयल्समाथि लुम्बिनी पूर्ण हाबी

काठमाडौँ ।उत्कृष्ट बलिङ प्रेरित लुम्बिनी लायन्सले उद्घाटन खेलमा सुदूरपश्चिम रोयल्सलाई हराउँदै नेपाल प्रिमियर लिग (एनपिएल) को तेस्रो सिजनमा सुखद् शुरुवात गरेको छ ।

कीर्तिपुरमा सोमवार भएको खेलमा डिफेन्डिङ च्याम्पियन लुम्बिनीले सुदूरपश्चिमलाई सात विकेटले हराउँदै एनपिएलको तेस्रो सिजनमा सुखद् शुरुवात गर्यो । सुदूरपश्चिमले लगातार दोस्रो भेटमा लुम्बिनीसँग खराब प्रदर्शनसहित हार बेहो¥यो । गत संस्करणको फाइनलमा पनि लुम्बिनी सुदूरपश्चिमलाई नै हराउँदै च्याम्पियन भएको हो । गत भेटमा ८५ रनमै अलआउट भएको सुदूरपश्चिमले लगातार दोस्रो भेटमा सोही प्रदर्शन दोहो¥यायो । लुम्बिनीका कप्तान रोहितले टस जितेपछि पहिले बलिङ गर्ने निर्णय गरेका थिए । जुन निर्णय सही साबित भयो । लुम्बिनीका मध्यम गतिका बलर किशोर महतो र स्पिनर शेर मल्ल चम्किए । अन्य बलरबाट पनि साथ पाउँदा लुम्बिनीले सहज जित रच्यो ।

दुवै इनिङमा लुम्बिनी हाबी रह्यो । त्रिवि क्रिकेट स्टेडियममा सुदूरपश्चिमले ८८ रनको झिनो लक्ष्य दियो । तथापि लुम्बिनीले १० औं ओभरमा मात्र तीन विकेटको क्षतिमा लक्ष्य भेट्टायो । समान्य लक्ष्य पछ्याएको लुम्बिनीले सुरुदेखि आक्रामक ब्याटिङ ग¥यो । ओपनर डार्सी सटले ४० रनको आक्रामक इनिङ खेले । १८ बलमा उनले चार चौका र तीन छक्का हिर्काए । अर्का ओपनर आसिफ शेख २५ बलमा ३२ रन बनाए । उनको इनिङमा समान दुई चौका र छक्का रह्यो । यी दुई बीच ७२ रनको साझेदारी भएपछि लुम्बिनी फराकिलो जिततर्पm अग्रर थियो । तर स्पिनर अनिल खरेलले दुवै ब्याटरलाई आउट गर्दै दबाब बनाउने प्रयास गरे ।

उनले सातौं ओभरमा डार्सी र नवौं ओभरमा आसिफलाई पभेलियन फर्काए । त्यसपछि आएका निरोसान डिकवेला ७ रनमै आउट भए । सुदूरपश्चिमका कप्तान दीपेन्द्रसिंह ऐरीले उनलाई बोल्ड गरेका हुन् । तथापि लुम्बिनीले थप क्षति व्यहोर्नु परेन । सुदूरपश्चिमका स्कट कुग्गेलिनले दुई ओभरमा बलिङमा ३० रन खर्चिए । टस हारेर पहिले ब्याटिङ गरेको सुदूरपश्चिम १७.२ ओभरमै ८७ रनको योगफलमा अलआउट हुन पुग्यो । सुदूरपश्चिमले सबैभन्दा कमजोर लक्ष्य दियो । यो एनपिएलकै पाँचौं कम योगफल रह्यो । यस क्रममा सुदूरपश्चिमका तीन ब्याटरले मात्र दोहोरो अंकमा रन जोड्न सके । कप्तान दीपेन्द्रसिंह ऐरीको २७ रन नै सर्वाधिक ठूलो व्यक्तिगत योगफल रह्यो ।

कुनैपनि ब्याटर लामो समय क्रिजमा टिक्न नसक्दा सुदूरपश्चिमले खराब ब्याटिङ सामना ग¥यो । स्पिनर शेर मल्ल र मध्यम गतिका बलर किशोर महतोले संयुक्त सात विकेट लिँदै सुदूरपश्चिमलाई सस्तैमा रोके । शिर्ष क्रमका चार ब्याटर सस्तैमा आउट भएपछि सुदूरपश्चिमको खराब शुरुवात भयो । ओपनर विनोद भण्डारी ९ रन, आरिफ शेख शून्य, ब्रेन्डन म्याकमुलन २ रन र ओपनर सइब जैब १३ रनमै आउट भए । ५.४ ओभरमा सुदूरपश्चिम ३४÷४ को नाजुक अवस्थामा पुग्यो । एनपिएलको पहिलो रिभ्यु तेस्रो ओभरमा भयो । शेर मल्लको बलिङमा लुम्बिनीले लिएको थियो । ब्याटर सइब जैबविरुद्धको एलबिडब्लु रिभ्यु सफल भएन । सुरुमा चार विकेट पतनपछि दबाबमा परेको सुदूरपश्चिम समालिन नै सकेन । लगातार थप दुई विकेट गुमाउन पुग्यो ।

ईशान पाण्डे ७ रन र सेरफान रुथरफर्ड १ रनमै पभेलियन फर्किए । यसपछि आएका स्कट कुग्गेलिन दुई बल खेलेर खाता नखोल्दै आउट भए । ९.४ ओभरमा ५६ रन जोड्दा सुदूरपश्चिमका सात ब्याटर पभेलियन फर्किसकेका थिए । शेर र किशोरले सुदूरपश्चिमको माथिल्लो क्रमका ध्वस्त बनाए । कप्तान दीपेन्द्रसिंहले समाल्ने प्रयास गरे । तर उनी पनि १२औं ओभरमा किशोरको बलमा बोल्ड हुन पुगे । दीपेन्द्र २३ बलमा दुई चौकासहित २७ रन जोडेर पभेलियन फर्किए । लगत्तै अर्को बलमा किशोरले हेमन्त धामीलाई बोल्ड गर्दै सुदूरपश्चिमको नवौं विकेट दिलाए । तर किशोर ह्याट्रिक लिन सफल भएनन् । कप्तान रोहितले अविनाश बोहरालाई बोल्ड गर्दै सुदूरपश्चिमको दशौं विकेट लिए ।

तल्लो क्रमका अनिल खरेल १५ रनमा नटआउट रहे । दोहोरो अंकमा रन जोड्ने उनी सुदूरपश्चिमका तेस्रो ब्याटर हुन् । लुम्बिनीको बलिङमा किशोरले चार विकेट तथा शेरले तीन विकेट लिए । शेरले चार ओभरमा ११ रन मात्र दिए । साड्ले भान, तिलक भण्डारी र रोहितले समान एक विकेट लिए । मंगलवार पहिलो खेलमा विराटनगर किङ्स र चितवन राइनोज तथा दोस्रो खेलमा कर्णाली याक्स र जनकपुर बोल्ट्सबीच प्रतिष्पर्धा हुनेछ ।