६ बैशाख २०८१, बिहीबार
धनगढी। सुदूरपश्चिम प्रदेशका प्रदेश प्रमुखले नयाँ मुख्यमन्त्री दाबी गर्न दिएको दुई दिनको समय आज सकिँदै छ । प्रदेश प्रमुखले आज अपराह्न ५ बजेसम्म संविधानको धारा १६८ (२) अनुसार नै मुख्यमन्त्रीको दाबी आह्वान गरेका छन् ।
सत्ता गठबन्धनले एकीकृत समाजवादीलाई मुख्यमन्त्री दिने सहमति भएपछि एकीकृत समाजवादीले दिर्घ सोडारीलाई अगाडि सारेको छ । तर सोडारी विवादास्पद व्यक्ति रहेको भन्दै एमालेले विकल्प खोज्न भनेपछि यो विषय पेचिलो बनेको छ ।
एकीकृत समाजवादीको सचिवालय बैठकले सोडारीलाई नै मुख्यमन्त्रीको रुपमा अगाडि सार्ने निर्णय गरेपछि एमालेले केन्द्रको निर्णय अनुसार अगाडि बढ्ने तयारी गरेको छ ।
प्रकाशित मिति: ६ बैशाख २०८१, बिहीबार
